XX. mendeko Euskararen Corpus estatistikoa

Testuingurua

Irurak zigor bana
eskuan zekarten,
gozatzeko asmotan
egurra ematen.

Gu ere korritzeko
gertatu aldarten,
laster gordeak giñan
artasoro baten.

Gu lenago taldean
bagiñan ugari,
gero iru besterik
an etzan agiri:
nerekin Juanito
eta Antton Mari,
jorratu bat ematen
artasoroari.

Arnasa artzen ere
gu ixil-ixillik,
orduan ez gendukan
lengo iskanbillik.

Baztar danak miatzen
naiz izan ibillik,
etzan gu billatzeko
guardizibillik.

Iruron mintzaera
ain zan tankerako:
Saltsa ontatik nola
gaituk aterako?

Gu zein geran jakingo
ditek goizerako,
laster dek abixua
kuartelerako.